بھارت کے خلاف کھیلنا دلچسپ ہوتا ہے، عقیل خان

پاکستانی ٹینس کھلاڑی عقیل خان نے کہا ہے کہ بھارت کے خلاف کھیلنا دلچسپ ہوتا ہے لیکن دباؤ بھی ہوتا ہے۔

اسلام آباد میں جیو نیوز سے گفتگو میں عقیل خان نے کہا کہ بھارتی کھلاڑیوں سے ملاقات اکثر ہوتی رہتی ہے، 90 فیصد بھارتی کھلاڑیوں کی گیم کو جانتا ہوں۔

انہوں نے کہا کہ بھارت کو گراس کورٹ پر کھیلنے کا طریقہ آتا ہے، پاکستان کی اسٹرینتھ بھی گراس کورٹ ہے، بھارت کےخلاف اپنی بہترین ٹینس کھیلیں گے۔

پاکستانی ٹینس کھلاڑی نے مزید کہا کہ ڈیوس کپ کے لیے پریکٹس بھرپور کی ہے، کھیلتے ہوئے آ رہے ہیں۔

اُن کا کہنا تھا کہ بھارت کےخلاف ڈیوس کپ کے کم میچز کھیلے ہیں، 2006 میں ممبئی میں بھارت کے خلاف سنسنی خیز مقابلہ ہوا تھا۔