جیرونا کے قدیم علاقے کو گوگل میپس اور ویز کی ٹریفک روٹس سے ہٹا دیا گیا
بارسلونا (دوست نیوز) 8 ستمبر 2025: جیرونا کی بلدیہ نے تاریخی پرانے شہر (اولڈ کوارٹر) کو ٹریفک ایپس گوگل میپس اور ویز کی رہنمائی سے نکال دیا ہے تاکہ گاڑیوں کا داخلہ روکا جا سکے۔
میئر لیوک سلیلاس کے مطابق پرانا علاقہ پیدل چلنے والوں کے لیے مخصوص ہے اور صرف رہائشی یا کاروباری اجازت نامہ رکھنے والے افراد کو داخلے کی اجازت ہے۔ عام گاڑیوں کے لیے 20 کلومیٹر فی گھنٹہ کی حد مقرر ہے جبکہ بغیر اجازت گاڑی چلانے والوں کو سہ ماہی میں صرف تین مرتبہ داخلے کی اجازت ہے، بصورت دیگر ان پر جرمانہ عائد کیا جاتا ہے۔
شہر کی بلدیہ نے کئی بار شکایت کی تھی کہ سیاح GPS ایپس کی ہدایات پر عمل کرتے ہوئے مرکزی علاقے میں گاڑیاں لے آتے ہیں، جس سے مقامی آبادی کو مشکلات کا سامنا ہوتا ہے۔ گوگل اور ویز نے اب متبادل راستے فراہم کرنا شروع کر دیے ہیں تاکہ سیاحوں کو شہر کے مرکز سے گزارنے سے بچا جا سکے۔
میئر نے بتایا کہ گوگل سے رابطہ جنوری میں کیا گیا تھا لیکن بڑی کمپنیوں کے ساتھ بات چیت ایک طویل اور مشکل عمل تھا
About The Author
