تھری ایم پی او کے نفاذ میں توسیع کی تجویز مسترد
پنجاب کابینہ نے تھری ایم پی او کے نفاذ میں 3 ماہ توسیع کی تجویز مسترد کردی ہے۔
نگراں صوبائی وزیر عامر میر کا کہنا ہے کہ 8 فروری کو غیرجانبدارانہ، آزادانہ الیکشن کا انعقاد یقینی بنایا جائے گا۔
انہوں نے کہا کہ تھری ایم پی او کا نفاذ سیاسی جماعتوں اور ان کے امیدواروں کی الیکشن مہم میں رخنہ ڈالنے کا سبب بن سکتا ہے۔
عامر میر کا کہنا تھا کہ تھری ایم پی او کے نفاذ کی تجویز کو کابینہ نے اتفاق رائے سے اسی لیے مسترد کیا ہے۔
انہوں نے مزید کہا کہ الیکشن میں لیول پلیئنگ فیلڈ کی فراہمی نگراں حکومت کا فرض ہے۔
