اسپین کے ہوائی اڈوں پر اب تک کی سب سے بڑی سرمایہ کاری کی جائے گی،سانچیز

میڈرڈ(دوست نیوز)وزیراعظم اسپین پیدرو سانچیز نے اعلان کیا ہے کہ آئندہ برسوں میں اسپین کے ہوائی اڈوں پر اب تک کی سب سے بڑی سرمایہ کاری کی جائے گی۔ ان کے مطابق (Aena) 2027 سے 2031 کے درمیان تقریباً 13 ارب یورو کی سرمایہ کاری کرے گا تاکہ فضائی اڈے بڑھتی ہوئی طلب کے مطابق خود کو ڈھال سکیں اور جدیدیت کے عمل کو جاری رکھ سکیں۔

تفصیلات کے مطابق کل سرمایہ کاری 12.888 ارب یورو ہوگی، جن میں سے 9.991 ارب یورو “ریگولیٹڈ انویسٹمنٹس” کے تحت آئیں گے۔ پیدرو سانچیز نے زور دے کر کہا کہ یہ سرمایہ کاری “ہوائی اڈوں کے اسپین جال میں گزشتہ کئی دہائیوں کی سب سے بڑی سرمایہ کاری” ہے۔

یہ اعلان جمعرات کے روز الی کانتے-ایلچے میگوئل ہیرناندیز ہوائی اڈے پر کیا گیا، جہاں اس منصوبے کی باضابطہ پیشکش کی گئی تاکہ بعد میں اسے دستاویزِ ریگولیشن ایئرپورٹ (DORA) میں شامل کیا جا سکے۔

تقریب میں وزیر برائے ٹرانسپورٹ و پائیدار نقل و حرکت اوسکار پُوئنتے، وزیر سائنس، اختراع و جامعات دانا مورانت، کمیونٹی ویلنشیا میں حکومت کی نمائندہ پیلار برنبے، آئینا کے صدر اور سی ای او موریسی لوسینا، اور الیچے کے میئر پابلو رُز بھی شریک ہوئے۔