این اے97 میں بعض خواتین ووٹرز کا پولنگ اسٹیشن میں دباؤ ڈالنے کا الزام
فیصل آباد کے حلقہ این اے 97 کی بعض خواتین ووٹرز نے الزام عائد کیا ہے کہ پولنگ اسٹیشن میں ان پر مخصوص امیدوار کو ووٹ ڈالنے کیلئے دباؤ ڈالا گیا۔
خواتین کی جانب سے الزام عائد کیا گیا کہ انہیں مخصوص امیدوار کے نشان پر مہر لگانے کا کہا گیا، پولنگ اسٹیشن119، 208 اور 218 میں ووٹرز کی جانب سے مبینہ دھاندلی کی شکایت کی گئی ہے۔
ووٹرز خواتین نے کہا کہ پولیس پرامن ووٹنگ کے عمل میں رکاوٹ ڈال رہی ہے، عملہ ووٹرز کو مخصوص پارٹی کے انتخابی نشان پر مہر لگانے کیلئے مجبور کرتا رہا۔
این اے 97 کے امیدوار ہمایوں اختر خان نے واقعات پر الیکشن کمیشن سے رابطہ بھی کیا۔
Pakistan election 2024 | Election 2024 Constituencies | Election 2024 candidates
