سب سے زیادہ پاکستانی مشرق وسطیٰ کے ممالک میں قید، وزارت خارجہ

اسلام آباد (نمائندہ دوست) مختلف جرائم میں گرفتار کئے جانے والے سب سے زیادہ پاکستانی مشرق وسطیٰ کے ممالک میں قید ہیں۔ 

یہ بات وزارت خارجہ کے حکام نے سینیٹ کی قائمہ کمیٹی برائے انسانی حقوق کے اجلاس میں بتائی جس کا اجلاس سینیٹر ولید اقبال کی زیر صدارت ہوا۔ 

اجلاس میں وزارت خارجہ نے کمیٹی کو بریفنگ دیتے ہوئے بتایا کہ اس وقت 23 ہزار 456 پاکستانی شہری دنیا کے مختلف جیلوں میں قید ہیں۔ 

حکام نے کہا کہ 15 ہزار 587 پاکستانیوں کو سزائیں ہوچکی ہیں جبکہ 7 ہزار سے زائد پاکستانی شہریوں کے ٹرائل مختلف عدالتوں میں جاری ہیں۔

 حکام کا کہنا تھا کہ بھارت میں قید پاکستانیوں کی تعداد 706 ہے، سعودی عرب میں قید پاکستانیوں کی تعداد 12 ہزار 156 ہے جبکہ متحدہ عرب امارات میں قید پاکستانیوں کی تعداد 5 ہزار 292 ہے۔