مولانا حیدری کی اسحاق ڈار سے ملاقات پر حیرت ہوئی، حافظ حسین احمد

جمعیت علماء اسلام (جے یو آئی) کے رہنما حافظ حسین احمد نے کہا ہے کہ جے یو آئی بلوچستان میں حکومت سازی کا حصہ نہیں بنے گی۔

حافظ حسین احمد نے اپنے بیان میں کہا کہ پارٹی سربراہ کے فیصلوں کے باوجود مولانا عبدالغفور حیدری کی اسحاق ڈار سے ملاقات پر حیرت ہوئی۔

انہوں نے کہا کہ اسحاق ڈار نے کہا ہم نے آنے میں کافی دیر کر دی۔ حافظ حسین احمد نے کہا کہ حقیقت یہ ہے کہ ہم نے انہیں پہچاننے میں دیر کر دی۔ پی ڈی ایم تا حال قائم ہے اور اسے تحلیل نہیں کیا گیا۔ 

جے یو آئی کے رہنما کا کہنا تھا کہ قومی اور صوبائی سطح کے فیصلوں میں جے یو آئی قیادت کو نظر انداز کیا گیا۔