بریشیا گواردو میں 39 سالہ مفرورپاکستانی گرفتار، منشیات کیس میں کتنی سزا ہوگی؟
اٹلی(میاں آفتاب احمد) منشیات کی اسمگلنگ کے سنگین مقدمے میں سزا یافتہ ایک 39 سالہ پاکستانی، جو ایک سال سے زائد عرصے سے مفرور تھا، بالآخر بریشیا سے گرفتار کر لیا گیا۔ کارابینیری نے یہ کارروائی پیروجا کی جنرل پراسیکیوشن کے حکم پر کی۔
تفصیلات کے مطابق ملزم جون 2024 سے لاپتہ تھا اور ابتدائی طور پر پرتگال کے شہر امادورا میں اس کی موجودگی کا سراغ ملا تھا جہاں اس نے پناہ کی درخواست بھی دے رکھی تھی۔ شواہد سے یہ بات بھی سامنے آئی کہ اس نے مارچ 2019 میں ایک اطالوی خاتون سے شادی کی تھی جو بریشیا کے علاقے گاواردو میں رہائش پذیر ہے۔
کارروائی پیروجا کی پراسیکیوشن نے دفتر SDI کے ذریعے کوآرڈی نیٹ کی جبکہ بین الاقوامی تعاون کے ادارے SIRENE (روم) سے بھی مسلسل معلومات کا تبادلہ کیا جاتا رہا۔
گرفتاری کے بعد ملزم کو بریشیا کی جیل منتقل کر دیا گیا ہے، جہاں وہ اپنے جرم کی باقی ماندہ سزا 3 سال 6 ماہ مکمل کرے گا۔
About The Author
