وسیم اکرم, مصباح الحق اور اظہر علی کراچی میں اسٹیڈیم نہ پہنچ سکے
سابق کپتان وسیم اکرم، مصباح الحق اور اظہر علی بھی کراچی میں ٹریفک میں پھنسنے کی وجہ سے اسٹیڈیم نہ پہنچ سکے۔
وسیم اکرم کا کہنا ہے کہ 1.5 گھنٹے ٹریفک میں کھڑے رہے اور پھر یوٹرن لینے کے لیے مزید گھنٹہ لگا، آج مجھے سمجھ آگٸی ہے کہ لوگ کیوں میچ نہیں دیکھنے آرہے۔
وسیم اکرم نے کہا ہے کہ جب ہم اسٹیڈیم کے قریب تک نہیں پہنچ سکے تو لوگ کیسے آئیں گے۔
سابق کپتان کا کہنا ہے کہ کنٹینر ہر چیز کا حل نہیں ہیں، ہمیں ان مسائل کو حل کرنا ہوگا۔
واضح رہے کہ اس مرتبہ شائقین پی ایس ایل کے کراچی میں ہونے والے میچز کو اسٹیڈیم میں جاکر دیکھنے کو کم ترجیح دے رہے ہیں۔
