جم اینڈ ٹونک نے پاکستان ڈربی جیت لی
پاکستان کی سب سے بڑی گھڑ دوڑ پاکستان ڈربی ’جم اینڈ ٹونک‘ نے جیت لی۔ فاتح گھوڑے کے مالک کو 40 لاکھ روپے انعام دیا گیا۔
پاکستان میں گھڑ دوڑ کا سب سے بڑا میلہ لاہور ریس کلب میں لگا، ملک کی سب سے بڑی گھڑ دوڑ پاکستان ڈربی میں 14 گھوڑے گھوڑیوں کے درمیان مقابلہ ہوا۔
تمام سواروں نے 2400 میٹر کی ریس میں ایک دوسرے سے آگے نکلنے کی کوشش کی لیکن ولی ایم اعوان کے گھوڑے جم اینڈ ٹونک نے میدان مار لیا۔ فاتح سوار عامر پرویز بنے۔
دوڑ میں فرحان کنگ نے دوسری اور اسپارٹکس نے تیسری پوزیشن حاصل کی۔ فاتح گھوڑے کے مالک کو 40 لاکھ روپے انعام دیا گیا۔
ڈربی ڈے پر ہونے والی دیگر ریسز میں شہہ سوار گھوڑوں سمیت گرتے بھی رہے۔ مختلف ریسز میں دل آویز، سویفٹ ریٹویٹ، لیڈی چیمپئن، بلیک ٹائیگر اور مرچنٹ آف وینس نے کامیابی حاصل کی۔
