راجہ نامدار اقبال ایڈووکیٹ کا الحمد کڈنی سنٹر کا دورہ،سنٹر کے ساتھ اپنا تعاون جاری رکھیں گے

بناہ(رپورٹ صاحبزادہ محمد اسد کریمی)بارسلونا میں مقیم معروف کشمیری رہنما راجہ نامدار اقبال خان ایڈووکیٹ ان دنوں نجی دورہ پر پاکستان میں ہیں اپنے دورہ کے دوران راجہ نامدار اقبال ایڈووکیٹ آف منجوال اور عبدالرزاق بھٹی آف منجوال جنہوں الحمد کڈنی ہیلتھ آرگنائزیشن کے ساتھ بھرپور تعاون کیا نے الحمد کڈنی سنٹر کا دورہ کیا ۔ زیر تعمیر عمارت کا معائنہ کیا ۔اس موقع پر الحمد آرگنائیزیشن کے سیکریٹری جنرل پروفیسر محمدعبد اللہ طاہر نے بریفنگ دی۔ مہمانوں نے الحمد کے کام کو سراہا اور تنظیم کے ساتھ مزید تعاون جاری رکھنے کا عندیہ دیا ۔ 

پروفیسر عبد المالک نے مہمانوں کا شکریہ ادا کیا اور دورہ سپین کے دوران اہلیان حال سپین کا ادارہ کے ساتھ تعاون کا شکریہ کیا اور تفصیلات سے آگاہ فرمایا ۔ راجہ نامدار اقبال ایڈووکیٹ نے گفتگو کرتے ہوئے کہا کہ الحمد نے کڈنی ڈائیلیسز کا آغاز کر کے اہلیان بناہ اور عمومی طور پر پورے ملک کے عوام کی خدمت کی ہے اس پر تارکین وطن ان کی کاوش کو اچھی نظروں سے دیکھتے ہیں ۔

انہوں کہا کہ تارکین وطن اور اسپین میں بسنے والے وادئ بناہ کے رہائشی مستقبل میں ادارہ کے ساتھ تعاون جاری رکھیں گے ۔ سیاسی شخصیت راجہ سکندر حیات خان ایڈووکیٹ نے فرمایا کہ سماجی خدمات میں الحمد کا کردار نمایاں ہے ۔

یہ خیر کا کام ہے اور اس کام میں اللہ پاک خصوصی مدد فرماتے ہیں ۔ انہوں عوام علاقہ سے تعاون کرنے کی اپیل کی ۔ عبد الرزاق بھٹی نے گفتگو کرتے ہوئے کہا کہ الحمد نے کھوئیرٹہ میں جس کام کا آغاز کیا ہے وہ قابل تحسین ہے رمضان میں الحمد کے مریضوں کے علاج معالجہ کیلئے مزید عطیات بھیجیں گے ۔

ڈپٹی میڈیکل سپرنٹنڈنٹ نے کڈنی کے مریضوں کی بڑھتی ہو ئی تعداد اور روک تھام کی حکمت عملی پر گفتگو کرتے ہوئے الحمد کی کاوشوں کی تعریف کی ۔ اور مہمانوں کی چاہے سے تواضع کی ۔ اس موقع چوہدری محمد عادل یوسف ،محمد محبوب صدیقی ، محمد انور بھٹی عبدالقادر بٹ اور دیگر بھی موجود تھے ۔ آخر میں مہمانان گرامی اور ادارہ کے ذمہ داران نے ویڈیو پیغامات بھی ریکارڈ کروائے ۔ جن میں  رمضان میں الحمد کے ساتھ خصوصی تعاون کرنے اپیل کی گئ

About The Author