کراچی میں عورت مارچ 8 مارچ کو فریئرہال میں ہوگا

معروف کلاسیکل ڈانسر اور سوشل میڈیا ایکٹوسٹ شیما کرمانی نے کہا ہے کہ اس بار عورت مارچ میں احتجاجی میلہ بھی ہوگا۔

میڈیا سے گفتگو میں شیما کرمانی نے کہا کہ کراچی میں عورت مارچ 8 مارچ کو فریئرہال میں ہوگا، اس بار احتجاجی میلہ بھی ہوگا۔

انہوں نے مزید کہا کہ بلوچستان کی عورتوں نے آکر مارچ کیا، یہ ایک انقلاب ہے، سمی بلوچ بھی عورت مارچ میں شریک ہوں گی۔

پاسٹر غزالہ شفیق نے کہا کہ عورت مارچ میں جڑانوالہ کے افسوسناک واقعے پر خصوصی سیشن ہوگا، واقعہ کی متاثرہ عورتیں تفصیلات بتائیں گی۔

سماجی رہنما منیزہ احمد نے کہا کہ عورت مارچ احتجاجی میلے میں سیشنز کے بعد ہر سال کی طرح سڑک پر نکلیں گے۔