ایف آئی اے نے سنگین جرائم میں دو مطلوب ملزمان کو یو اے ای سے گرفتار کرلیا
وفاقی تحقیقاتی ادارے (ایف آئی اے) انٹرپول پاکستان نے سنگین جرائم میں مطلوب 2 ملزمان کو گرفتار کرلیا۔
ترجمان ایف آئی اے کے مطابق اشتہاری ملزمان کو یو اے ای سے گرفتار کرکے لاہور ایئرپورٹ منتقل کردیا گیا ہے۔
ترجمان کے مطابق گرفتار ملزمان حامد علی اور محمد اعظم پنجاب پولیس کو انتہائی مطلوب ملزمان میں شامل تھے۔
ترجمان ایف آئی اے کے مطابق گرفتار ملزمان کے خلاف قتل کی دفعات کے تحت مقدمات درج تھے۔
ترجمان کے مطابق ایف آئی اے این سی بی انٹرپول پاکستان نے ملزمان کی گرفتاری کےلئے ریڈنوٹسزجاری کئے تھے۔
ترجمان ایف آئی اے کے مطابق ملزمان کی حوالگی انٹرپول اسلام آباد کی انٹرپول ابوظبی کے ساتھ رابطہ کاری کی وجہ سے ممکن ہوئی۔
