نوجوانوں کی خودمختاری کی شرح تاریخ کی کم ترین سطح پر: گھر چھوڑنے کی اوسط عمر 30 سال تک پہنچ گئی

روزگار کی شرح میں بہتری اور نوجوانوں کے متبادل ذرائع آمدن بڑھنے کے باوجود، ہاؤسنگ (رہائش) کا بحران نوجوانوں کی خودمختاری (گھر چھوڑنے) کی شرح کو تاریخی ریکارڈ کی کم ترین سطح پر لے آیا ہے۔ اب صرف *14.5فیصد نوجوان ہی اپنے طور پر الگ رہنے کے قابل ہو پائے ہیں۔

اسپین میں اوسط کرایہ **1,176 یوروہونے کی وجہ سے اکیلے رہنا ناممکن ہو چکا ہے۔ رپورٹ کے مطابق ایک نوجوان کو اکیلے کرایے کا مکان لینے کے لیے اپنی آمدنی کا تقریباً **99فیصد حصہ صرف کرنا پڑے گا۔اس وجہ سے نوجوان تیزی سے غربت، قرضوں کے بوجھ اور خاندان پر انحصار کرنے پر مجبور ہو رہے ہیں۔

یوتھ کونسل کی صدر، اندریا گونزالیز ہینری، کا کہنا ہے کہ کرایہ اب غربت اور عدم مساوات کی بڑی وجہ بن چکا ہے، کیونکہ اب نوجوانوں کی آزادی کا دارومدار صرف ان کے خاندان کی مالی مدد پر ہے۔

اب ‘فلیٹ شیئرنگ’ (مل کر رہنے) کو ہی ایک عام راستہ سمجھا جانے لگا ہے۔

نوجوانوں کو ایک کمرے کے لیے بھی اپنی تنخواہ کا **33فیصدحصہ دینا پڑتا ہے۔ صورتحال یہ ہے کہ 2022 سے اب تک صرف کمرے کرایے پر دینے کے رجحان میں **85فیصد اضافہ ہوا ہے، کیونکہ مالکان کو پورا فلیٹ دینے کے بجائے الگ الگ کمرے کرائے پر دینا زیادہ فائدہ مند لگتا ہے۔

رپورٹ کے آخر میں ایک تلخ حقیقت بیان کی گئی ہے: اب اچھی تعلیم اور ملازمت بھی نوجوانوں کو آزادانہ زندگی کی ضمانت نہیں دیتیں۔ ملازمت پیشہ نوجوانوں میں سے صرف 4 میں سے 1 نوجوان (25فیصد) الگ رہ پا رہا ہے، جبکہ بقیہ **75فیصد نوجوان اب بھی اپنے والدین کے گھر رہنے پر مجبور ہیں۔