پاکستان بیس بال فیڈریشن کا بیس بال لیگ کرانے کا فیصلہ

پاکستان بیس بال فیڈریشن نے بیس بال لیگ کرانے کا فیصلہ کیا ہے۔

اس حوالے سے فیڈریشن کے سیکریٹری سید فخر شاہ نے کہا ہے کہ مرد و خواتین کی بیس بال لیگ ایک ساتھ کرا رہے ہیں، لیگ ایف سی کالج بیس بال گراؤنڈ میں منعقد ہو گی۔

سید فخر شاہ کا کہنا ہے کہ لیگ میں مرد و خواتین کی تین تین ٹیمیں حصہ لیں گی، لاہور، ملتان اور فیصل آباد کی ٹیمیں ایکشن میں ہوں گی۔

انہوں نے کہا کہ 14 سے 17 اپریل تک ٹیموں کے کیمپس کا انعقاد کیا جائے گا، 18 سے 21 اپریل تک بیس بال لیگ کے مقابلے ہوں گے۔

بیس بال فیڈریشن کے سیکریٹری کا کہنا ہے کہ لیگ کا مقصد مرد و خواتین کی مضبوط قومی ٹیمیں تشکیل دینا ہے، باصلاحیت کھلاڑیوں اور پرفارمرز کو قومی ٹیموں میں شامل کیا جائے گا۔