کاکول کیمپ میں شامل کھلاڑیوں کو آج اسلام آباد رپورٹ کرنے کی ہدایت
پاکستان کرکٹ بورڈ (پی سی بی) نے کاکول کیمپ میں شامل کھلاڑیوں کو آج اسلام آباد رپورٹ کرنے کی ہدایت کر دی۔
کاکول کیمپ سے گھر روانہ ہونے والے کھلاڑی آج اسلام آباد رپورٹ کریں گے، شاہین آفریدی کو بھی اسلام آباد پہنچنے کی خصوصی ہدایت کی گئی ہے۔
کاکول کیمپ میں شامل تمام قومی کرکٹرز آج دوپہر برطانوی سفارتخانے جائیں گے۔
قومی کرکٹرز مئی میں شیڈول دورۂ انگلینڈ کے ویزے کے لیے برطانوی سفارتخانے جائیں گے جبکہ کرکٹرز عید کے بعد ٹی ٹوئنٹی ورلڈکپ سے متعلق امریکی سفارتخانے بھی جائیں گے۔
قومی کرکٹرز آج شام اسلام آباد میں آرمی چیف کے افطار ڈنر میں شرکت کریں گے، سب کھلاڑی افطار ڈنر کے بعد اپنے اپنے شہروں کو روانہ ہو جائیں گے۔
