جعلی ویزوں پر بارسلونا پہنچنے والے 69بولیوین کو بندرگاہ پر روک دیا گیا

بارسلونا/بارسلونا بندرگاہ پر کروز شپ میں سوار 69 بولیوین نژاد

باشندوں کو بارسلونا میں داخل ہونے سے روک دیا گیا۔ پولیس کا کہنا ہے کہ ان افراد کے پاس جو ویزے ہیں وہ جعلی ہیں۔ حکام کے مطابق ویزے کسی انتہائی پروفیشنل کرائم ونگ نے تیار کیے ہیں۔ اور ویزا اسٹیکر حقیقت کے قریب تر ہیں۔
کروز شپ کمپنیوں کے ساتھ کام کرنے والوں کا کہنا ہے۔کہ یہ کروز شپ کمپنی کی ذمہ داری ہوتی ہے کہ ان کے ساتھ سفر کرنے والے فرد کے پاس اصل اجازت نامے موجود ہوں۔
بولیوین افراد کے کیس میں MSC کروز شپ کمپنی پر ذمہ داری عائد ہوتی ہے۔ جو انہیں برازیل سے بارسلونا تک ویزے کے بغیر لے آئی ہے۔ حکام کے مطابق کہیں سکیورٹی میں کوئی کمی رہ گئی ہے۔ جس کے باعث یہ لوگ بارسلونا تک پہنچ گئے تھے ۔ جس پر بندرگاہ پولیس کو مداخلت کرتے ہوئے اختیارات استعمال کرنے پڑے۔
لاطینی امریکی ممالک میں سپینش ویزے پر سپین داخلے کا نرخ 10 ہزار یورو چل رہا ہے۔