نیشنل پارک میں جھگڑا، ایک گروپ کا دوسرے پر تشدد، 4 گرفتار

چھانگا مانگا کے نیشنل پارک میں سیر کے لیے آنے والے دوگرپوں میں جھگڑا ہوگیا، ایک گروپ نے دوسرے کو تشدد کا نشانہ بنا ڈالا، پولیس نے 4 افراد کو گرفتار کر لیا۔

پولیس کے مطابق عید کے دوسرے روز چھانگا مانگا کے نیشنل پارک میں لوگ سیر کر رہے تھے کہ فیملی کو چھیڑنے سے منع کرنے پر دو گروپوں میں جھگڑا ہوگیا۔ ایک گروپ نے دوسرے کو تشدد کا نشانہ بنایا۔

پولیس نے 4 افراد کو گرفتار کرلیا جبکہ باقی 6 فرار ہوگئے۔

 ڈی ایف او چھانگا مانگا کے مطابق محکمہ جنگلات کے عملے نے بھی جھگڑا کرنے والوں کو روکنے کی کوشش کی مگر وہ باز نہ آئے، مجبوراً پولیس کو بلانا پڑا۔