ہزاروں پاسپورٹ بلیک لسٹ، مگر کوئی لسٹ نہ کوئی نوٹیفکیشن۔۔تحریر مظہر حسین راجہ
خبر ہے کہ ضلع گجرات کے ایک مسافر کو بیرون ملک سفر کرنے سے اس وجہ سے روک دیا گیا کہ اس کا پاسپورٹ بلیک لسٹ ہے اور شنید ہے کہ ہزاروں پاسپورٹ بلیک لسٹ کیے گئے مگر نہ کوئی لسٹ نہ کوئی نوٹیفکیشن۔
ایک مسافر کے بلیک لسٹ ہونے کی وجہ سے جہاز سے اف لوڈ ہونے کی خبر نے اوورسیز میں بے چینی پیدا کر دی ہے۔ اور بہت سے لوگ یہ سمجھ رہے ہیں کہ پی ٹی ائی سے وابستگی کی وجہ سے یا پی ٹی ائی اوورسیز سپورٹرز کے پاسپورٹ بلاک کیے گئے ہیں جبکہ سیاسی وابستگی کی وجہ سے بلیک لسٹ کی خبر میں کوئی صداقت نظر نہیں اتی اور نہ ہی ایسا ہو سکتا ہے۔ اگر کسی کے پاس کوئی نوٹیفکیشن ہو تو وہ پلیز شیئر کر دے۔
البتہ وہ اوورسیز جو کسی بھی ایسی سرگرمی میں ملوث ہوں جو کہ غیر قانونی ہو اور افراد کے ذاتی فعل کی وجہ سے کسی کی جان گئی ہو یا دوسروں کی جان لینے کی کوشش کی یا بیرون ملک بدنامی کا باعث بنے ہوں ان کے پاسپورٹ بلاک کیے جا سکتے ہیں جن میں ڈنکی لگانے والے یا ایسے ایجنٹ جو انسانی سمگلنگ کا پیشہ بھاری رقم کے عوض اپنائے ہوئے ہیں ان کے پاسپورٹ کچھ عرصہ کے لیے قانونی طور پر بلیک لسٹ کیے جا سکتے ہیں مگر اس کی بھی لسٹ جاری ہونی چائیے تاکہ اوورسیز میں کسی قسم کی بے چینی نہ رہے اور بیرون ملک سفارت خانوں اور قونصلیٹ کو غیر ضروری سوالات کا جواب نہ دینا پڑے۔
ویسے بھی پاسپورٹ اور شناختی کارڈ ایک بنیادی دستاویز ہے اور اس کو کینسل کرنا انسانی موومنٹ پر بنیادی پابندی کے مترادف ہے اور بنیادی انسانی حقوق کی سنگین خلاف ورزی ہے اور ماورائے ائین ہے۔۔ اگر کسی شخص نے کوئی بھی جرم کیا ہے تو قانون میں ہر جرم کی سزا موجود ہے اور اس کو سزائیں دینی چاہیں۔
اوورسیز ایک دوسرے کو فون کر رہے ہیں کہ میری سیٹ کنفرم ہے سٹیٹس پاسپورٹ کا کیسے چیک کرنا ہے۔ اوورسیز سے گزارش ہے کہ وہ مطمئن رہیں اپ کا پاسپورٹ خواہ مخواہ نہ بلیک لسٹ کیا جا سکتا ہے اور نہ کینسل کیا جا سکتا ہے اور نہ ہی کسی سیاسی وابستگی کی وجہ سے اپ کا پاسپورٹ بلیک ہسٹ لسٹ کیا جا سکتا ہے اور نہ ہی ہر شخص کو پاسپورٹ چیک کروانے کی ضرورت ہے اور نہ پریشان ہونے کی۔ البتہ انسانی سمگلنگ میں ملوث ایجنٹ حضرات جو بیرون ملک سمگلنگ کے اڈے بنا کر بیٹھے ہوئے اور لوگوں کو سمندر میں ڈبکیاں دلوا رہے ہیں اور ڈنکی لگانے والے جو اپنی جان پر کھیل رہے ہیں اور عرب ممالک میں بھیک مانگ کر پاکستان کا نام بدنام کرنے والوں کے پاسپورٹ بلاک کیے جا سکتے ہیں۔ عام اوورسیز اگر کبھی ڈیپورٹ ہوئے یا ڈنکی لگائی تو وہ ڈائریکٹوریٹ جنرل اف پاسپورٹ اینڈ امیگریشن کو درخواست دے کر اپنا نام بلیک لسٹ سے خارج کروا سکتے ہیں۔ لیکن سب اوورسیز کو پریشان ہونے کی ضرورت نہیں۔ اگر حکومت پاکستان نے کچھ پاسپورٹ بلیک لسٹ کیے ہیں تو ان کی لسٹ فوری طور پر جاری کی جائے اور وجہ بھی بتائی جائے۔
About The Author
