حاجی نذیر احمد مہر کی صدارت میں چوہدری محمد اختر چھوکرکلاں کے اعزاز میں عشائیہ تقریب
بارسلونا(دوست نیوز)حاجی نذیر احمد مہر کی صدارت میں چوہدری محمد اختر چھوکرکلاں کے اعزاز میں مزمل رشید وڑائچ،مہرعمران اختراورمہرفرحان اخترکی جانب سے قرطبہ ریسٹورنٹ پورٹ فورم پر پرتکلف عشائیہ تقریب، چوہدری محمد اسلم باغاں والا، چوہدری بشیروڑائچ،حاجی خادم حسین کسانہ اور میاں شہباز گراٹیاں نے خصوصی طور پر شرکت کی،پاکستانی کمیونٹی کی تمام سیاسی وسماجی شخصیات نے بڑی تعداد میں شرکت کی۔
چوہدری محمد اختراور دیگر معزز مہمانوں کے تقریب میں پہنچنے پرمعززین بارسلونا کی جانب سے پھولوں کےگلدستے پیش کر کے پرتپاک استقبال کیا گیا
تقریب کا آغاز تلاوت قرآن مجید اور نعت رسول مقبولﷺ سے ہوا جس کی سعادت راجہ ساجد محمود اور قمربٹ جاتریہ نے حاصل کی۔نظامت کے فرائض شاہد احمد شاہد نے سرانجام دئیے۔ محفل کو چار چاند،سعید حیدری اور قدیراے خان نے اپنے نغموں نے لگایا، حاضرین محفل گیتوں پر جھومتے اور تالیاں بجا کرداد دیتے رہے۔
چوہدری محمد اختر چھوکرکلاں نے اپنے خطاب میں کہا کہ ہال میں موجود میرے دل کے بہت قریب دوستوں کو سلام پیش کرتا ہوں،یہ آج پہلی بار نہیں ہوا میں جب بھی بارسلونا حاضر ہوا ہوں آپ لوگوں نے اسی طرح اپنی محبتیں نچھاور کی ہیں میں ان محبتوں کو کبھی بھول نہیں سکتا،آپ لوگ ہمیشہ اپنا قیمتی وقت نکال کر میرے استقبال کے لئے آتے ہیں میں آپ کے احسان کو کبھی نہیں بھولوں گا۔آپ لوگ پردیس میں آکر نئے ماحول میں محنت کرکے اپنے خاندان اور ملک کے کئے کام کرتے ہیں اپنے ملک کے سفیر بن کر اس کی بہتری کے لئے کام کرتے ہیں میں آپ کو خراج تحسین پیش کرتا ہوں،مجھے اسٹیج سے نائب صدر پیپلز پارٹی پنجاب کے عہدہ کے ساتھ بلایا گیا لیکن میں آپ کے پاس ایک پاکستانی اور آپ کے بھائی کے طور پر آیا ہوں،میری ایک ہی پارٹی ہے اور وہ پاکستان ہے۔پاکستان ہے تو سب پارٹیاں ہیں اور سب پاڑتئوں کو اس ملک کے بارے میں سوچنا ہوگا پارٹیوں کو تب ہی حکومت کا موقع ملے گا جب ملک رہے گا تو،پہلے پاکستان ہے پھر ہارٹیاں ہیں ہم سب یہاں پاکستانی جمع ہیں
تقریب کے اختتام ہر تمام مہمانوں کو پرتکلف کھانا پیش کیا گیا
