لیونل میسی کی چھے شرٹس 7.8 ملین ڈالر میں فروخت

قطر میں 2022 میں کھیلے جانے والے ورلڈ کپ میں ارجنٹائن کے میگا اسٹار لیونل میسی نے جو چھے شرٹس پہنی تھیں وہ نیلامی میں 7.8 ملین ڈالر میں فروخت ہوئی ہیں۔

نیلام گھر نے جمعرات کو اے ایف پی کو بتایاکہ اس نادر مجموعے پر کل تین بولیاں لگائی گئی تھیں،یعنی  2022 کے فیفا ورلڈ کپ کے تاریخی مقابلے میں پہنی جانے والی ارجنٹائن کی دھاری دار ہلکے نیلے اور سفید رنگ کی ان چھےشرٹس پر جو "لیونل میسی نے پہنی تھیں”۔

نیلام گھر نے کہا کہ اس خطیر قیمت نے ارجنٹائن کے اس عالمی شہرت یافتہ اسٹار سے منسلک کسی بھی شے کی فروخت کا ریکارڈ توڑ دیا، یہ اس سال اب تک نیلامی میں فروخت ہونے والی کھیلوں سے متعلق سب سے قیمتی شے ہے۔