یورپین کرکٹ سیریز جیگوار سی سی نے جیت لی
بارسلونا(پ ر)یورپین کرکٹ نیٹ ورک کے زیر اہتمام ہونے والی یورپین سیریزمیں جگوار سی سی نے پاک آئی کیر کو سنسنی خیز مقابلے کے بعد شکست دیدی
حاجی امتیاز نے ٹیم کی جیت پر ڈھول کی تھاپ پر بھنگڑا ڈال کر یورو کی بارش کر دی
یورپین کرکٹ نیٹ ورک کے زیر اہتمام بارسلونا میں ہونے والی یورپین کرکٹ سیریز یورپ کی چیمپین پاکی آئی کیر کو مد مقابل Jaguar CC نے سنسنی خیز مقابلے کے بعد شکست سے دوچار کر کے ٹرافی اپنے نام کر لی۔
سیریز میں 10 کلبوں نے حصہ لیا۔
بیسٹ پلیر، بیسٹ باولر ،مین اف دی میچ اور میں آف دی سیریز کے ایورڈ دیئے گئے جبکہ فائنل جیتنے والی ٹیم کو ساڑھے چار ہزار یورو نقد انعام اور ٹرافی دی گئی۔ حمزہ ڈار نے 43 گیندوں پر 193 رن بنا کر ورلڈ ریکارڈ قائم کیا جن کو میڈل اور ایک ہزار نقد انعام دیا گیا۔
یورپین کرکٹ نیٹ ورک کی طرف سے بارسلونا کمیونٹی کا شکریہ ادا کیا گیا اور پاک بزنس کونسل کے چئیرمین سید ذوالقرنین شاہ کے بدست بیسٹ باؤلر کا ایورڈ دلوایا گیا اور سپین کرکٹ ٹیم کے منیجر عمران ملک کا بھی شکریہ ادا کیا جن کی کاوشوں سے انٹرنیشل میچ منعقد ہوئے۔ تقریب میں بڑی تعداد میں بارسلونا کمیونٹی اور نوجوانوں نے شرکت کی۔ ونر ٹیم کے منیجر حاجی امتیاز نے Jaguar CC کے کھلاڑیوں کے ساتھ ڈھول کی تھاپ پر بھنگڑا ڈالتے رہے اور جیت کی خوشی میں یورو نچھاور کرتے رہے
