بارسلونا/پاکستان پیپلز پارٹی اسپین و یورپ پیپلز یوتھ آرگنائزیشن اسپین کے زیراہتمام مونال ریسٹورنٹ سانت آدریا دے بیسوس میں پاکستان پیپلز پارٹی اسپین کے سینئر رہنما ایم این اے سید عبدالقادر گیلانی کے اعزاز میں پرتکلف ظہرانہ تقریب کا انعقاد کیا گیا۔ضیافت ڈائریکٹر مونال ریسٹورنٹ خواجہ محمد جہانگیر کی جانب سے دی گئی۔ ظہرانہ میں پیپلز پارٹی اور پاکستانی کمیونٹی کے ارکان نے شرکت کی
اس موقع پر معروف کاروباری وسماجی شخصیت چوہدری عامر تارڑ (تارڑ برادران) نے پیپلز پارٹی میں شمولیت کا اعلان کیا۔پاکستان پیپلز پارٹی اسپین کے سینئر رہنما ایم این اے سید عبدالقادر گیلانی نے صدر پیپلز پارٹی اسپین چوہدری اشتیاق حسین اور دیگر پارٹی ارکان کے ہمراہ پارٹی جھنڈے کا مفلر پہنا کر پارٹی میں شامل کیا۔اس موقع پر پاکستان پیپلز پارٹی زندہ باد اور زندہ ہے بھٹو زندہ ہے نعرے بلند کئے گئے
ظہرانہ تقریب کا باقاعدہ آغاز تلاوت قرآن مجید اور نعت رسول مقبول صلی اللہ علیہ والہ وسلم سے ہوا جس کی سعادت میاں عبدالروف آرائیں نے حاصل کی۔نظامت کے فرائض حافظ عبدالرزاق صادق نے سرانجام دئیے،سوشلسٹ پارٹی کے خوسے ماریا سالا اور بلدیہ کی خاتون ممبر نے اپنے خیالات کا اظہار کیا۔
سید عبدالقادر گیلانی نے اپنے خطاب میں پاکستانی کمیونٹی کا شکریہ ادا کرتے ہوئے کہا کہ مجھے آپ کے مسائل سے بھی آگاہ کیا گیا ہے جس میں اس وقت بڑا مسئلہ اسلام آباد میں اسپانش سفارت خانے میں اپوائٹمنٹ ہے جو نا صرف مل نہیں رہی بلکہ ایک مافیا سرگرم ہے جس نے لوٹ مار مچا رکھی ہے انہوں نے کہا کہ میں واپس پاکستان جا کر اسمبلی کے فلور پر اس پر آواز اٹھاؤں گا۔اور اسپانش پاکستانی پارلیمنٹرین کا جو فرینڈ شپ گروپ ہے اس میں بھی اس مسئلہ پر بات کروں گا۔انہوں نے دیگر مسائل کے حل کی بھی بات کی
اس سے قبل سید عبدالقادر گیلانی کے مونال ریسٹورنٹ پہنچنے پرقاضی احسان الحق،چوہدری شعیب تارڑ،چوہدری عمران چھوکرکلاںاور دیگر نے پھولوں کے گلدستے پیش کرکے پرتپاک استقبال کیا گیا
