رمضان المبارک کی رونقیں،پاکستانی ریسٹورنٹ اور بڑی افطاریاں۔۔قسط 1
رمضان المبارک مسلمانوں کے لئے رحمتیں اور برکتیں لے کر آتا ہے۔ہر ایک کی خواہش زیادہ سے زیادہ عبادت اور ثواب کا حصول ہوتا ہے،مسجدیں نمازیوں سے آباد ہوجاتی ہیں اور اللہ سبحانہ تعالی کے قرب کا حصول متمع نظر بن جاتا ہے۔
دوسری جانب پردیس میں یہاں اپنے وطن جیسا ماحول تو نہیں ہوتا لیکن کوشش کی جاتی ہے کہ ویسا رنگ اپنایا جائے،جس کے لئے خاص طور پر افطار ڈنرز کا اہتمام کیا جاتا ہے۔جس میں ایک دوسرے سے ملاقاتیں اور یادیں دہرائی جاتی ہیں اور موجودہ وقت کے حالات پر گفتگو کرکے تسلی ملتی ہے۔
2025کے رمضان المبارک میں بھی پاکستانی کمیونٹی بارسلونا نے بڑے بڑے افطار ڈنرز کا اہتمام کیا جن میں نمایاں نام یورپ میں کھیلوں کے سفیر چوہدری عزیزامرہ کا ہے جس نے عام پاکستانی کو اپنے افطار ڈنر کی رونق بنایا اور تین بڑے افطار ڈنر منعقد کئے جس میں پہلا افطار ڈنر قرطبہ ریسٹورنٹ پر 15مارچ کوہوا اور تمام ریسٹورنٹ ان کے نام پر بک رہا دوسرا بڑا افطار ڈنر 22مارچ کو بیسوس مار میں مقامی ریسٹورنٹ پر ہوا یہ ریسٹورنٹ بھی مکمل طور پر عزیز امرہ اور چوہدری یاسر عرفات کے نام بک رہا ان دونوں افطار ڈنرز میں کم وبیش 500کے قریب افراد نے شرکت کی،عزیزامرہ کے بڑے بھائی چوہدری تنویر امرہ اور چوہدری شہزاد اکرم کی جانب سے تیسرا افطار ڈنر 28مارچ کو قرطبہ ریسٹورنٹ کائیے قرطبہ پر منعقد ہوا جس میں قونصل جنرل مراد علی وزیر نے خصوصی شرکت کی میں بھی کم وبیش ایک سو کے قریب افراد نے شرکت کی۔ان تینوں افطارڈنرز کی بڑی خصوصیت یہ تھی کہ اس میں امرہ کلاں کے لوگوں نے اتحاد اور ایک دوسرے سے محبت کا اظہار کیا اور ذوق وشوق سے ان کا حصہ بنے اس سے بھی بات بھی سامنے آتی ہے کہ چوہدری تنویر امرہ اور چوہدری عزیز امرہ نے اپنے اہلیان گاؤں سے محبت کا سودا کررکھا ہے۔اسی محبت نے تمام گاؤں والوں کو جوڑ رکھا ہے۔
اہلیان امرہ کی بڑی تعداد کے ساتھ ساتھ دوسرے پاکستانی بھی ان افطار ڈنرز میں موجود تھے جس سے یہ بات عیاں ہوتی ہے کہ چوہدری عزیز امرہ اپنے گاؤں سے باہر دوسرے علاقوں کے پاکستانیوں میں بھی یکساں مقبول ہیں اور ان سے بھی محبت کا رشتہ استوار کررکھا ہے۔والی بال ان کی پہچان ہے تو محبت ان کا عوامی نشان ہے۔جاری ہے
About The Author
