پاک فیڈریشن اسپین کے وفد کی وفاقی وزیر سید عمران احمد شاہ سے ان کے دفتر میں ملاقات
اسلام آباد(مظہر حسین راجہ)اسلام آباد میں ہونے والے اوورسیز کنونشن کے بعد پاک فیڈریشن اسپین کے وفد کی سید عمران احمد شاہ وفاقی وزیر برائے غربت کا خاتمہ اور سماجی تحفظ (Poverty Alleviation & Social Safety) سے ان کے دفتر میں ملاقات ہوئی جس میں محترم وزیر کو اسپین کے بلدیاتی انتخابات میں پاکستانی کمیونیٹی کے ووٹ کے حق کے لیے پاکستان کی قومی اسمبلی میں آئیندہ کی جانے والی ممکنہ آئینی ترمیم بارے بریف کیا گیا۔ محترم وفاقی وزیر نے یقیں دلایا کہ وہ اس آئینی ترمیم کے لیے اپنا بھر پور کردار ادا کریں گے۔ آئینی ترمیم کا بل پیش ہونے سے پہلے پاک فیڈریشن کی لابنگ جاری ہے جس کا آغاز پچھلے سال سید ایاز حسین صاحب نے کیا تھا اور موجودہ وفد کی ملاقاتیں بھی اسی مہم کا حصہ ہے اور جب تک ترمیم نہ ہو جائے یہ سلسلہ آئندہ بھی جاری رہیے گا۔
فیڈریشن کے پاکستان میں موجود وفد کی سربراہی مذہبی امور کونسل کے چیرمین راجہ ساجد محمود کر رہے ہیں جبکہ جنرل سیکریٹری عدیل یوسف زئی، بزنس کونسل کے چیرمین کامران حیات مظفر، فنانس سیکریٹری غضنفر منظور اور میڈیا پرسن چوہدری بابر ان کی معاونت کر رہیے ہیں۔ وفد کے سربراہ نے اپنے وڈیو پیغام میں بتایا ہے کہ ووٹ کے حق کے علاوہ وفاقی وزیر سے ان کی وزارت کے متعلقہ موضوع پر بھی بات چیت ہوئی کہ اسپین اور پاکستان مل کر غربت کے خاتمے کے لیے کام کر سکتے ہیں اور اسپین میں موجود اورسیز پاکستانیز اور بزنس مین کمیونٹی حکومت پاکستان کی معاونت کے لیے تیار ہیں۔
یا رہے کہ اسپین نے فنی تعلیم کے ذریعہ عوام کو مختلف سیکٹرز میں انگیج کر کے اور چھوٹے پیمانے پر کام کرنے والے ہر سیکٹر کے مزدور طبقات کو سکلڈ کرنے کے لیے سینکڑوں کورسز متعارف کروائے ہیں اور پرائیویٹ سیکٹر کی مدد سے فنی تعلیم کے مختلف ٹیکنیکل انسٹیوٹ متعارف کروائےہیں۔ اسی طرح زراعت کے شعبہ میں جدت پیدا کی ہے اور لائیو سٹاک و ڈیری فارمز کو پرموٹ کیا ہیے تاکہ روزگار بھی ملے اور بنیادی ضروریات زندگی سستے داموں دستیاب ہوں۔ ان تمام سیکٹرز میں سپین کے تجربے سے فائدہ اٹھاتے ہوئے پاکستان میں بھی ایسے پروگرامز شروع کیے جا سکتے ہیں کیونکہ پاکستان میں ہر سیکٹر میں کام موجود ہے مگر سکلڈ لیبر دستیاب نہیں۔
About The Author
