لاڑکانہ چیلنجرز نے سکھر پیٹریاٹس کو 10 وکٹوں سے ہرادیا

سندھ پریمیئر لیگ (ایس پی ایل) میں لاڑکانہ چیلنجرز نے سکھر پیٹریاٹس کو باآسانی 10 وکٹ سے ہرا دیا۔ 

ایونٹ کے تمام میچز جیوسوپر براہ راست نشر کر رہا ہے۔

ایونٹ کے دوسرے دن نیشنل اسٹیڈیم میں سکھر پیٹریاٹس نے لاڑکانہ کے خلاف 9 وکٹ پر 134 رنز بنائے، سعد نے 52 رنز کی ناقابل شکست اننگز کھیلی جبکہ ذیشان نے 40 رنز بنائے۔

لاڑکانہ کے شاہنواز دہانی نے صرف 33 رنز دیکر 4 کھلاڑیون کو آؤٹ کیا۔

135 رنز کے تعاقب میں لاڑکانہ کے اوپنر اسد شفیق اور ذیشان نے شاندار بیٹنگ کی اور دونوں نے ہی ففٹی بنائی۔

لاڑکانہ کے ابتدائی بیٹرز نے 13اعشاریہ 1 اوور میں بغیر کسی نقصان کے ہدف پورا کر دیا، اسد 68 اور ذیشان 63رنز بناکر ناٹ آوٹ رہے۔