عائشہ بشیر کلیفٹ ٹرسٹ ہسپتال کے لئے مرزا مستبین بیگ کا پانچ لاکھ کا عطیہ

ڈاکٹر قمر فاروق

گجرات/عائشہ بشیر کلیفٹ ٹرسٹ ہسپتال کے لئے اور برطانیہ سے آئی پلاسٹک سرجری ٹیم کے اعزاز میں چیریٹی ڈنر کا اہتمام کیا گیا جس کے مہمان خصوصی مرزا مستبین بیگ تھے،خصوصی شرکت معروف شاعر سید سلیمان گیلانی،چوہدری امتیاز آکیہ ،ایاز عباسی نے کی،جبکہ نظامت کے فرائض شاہد احمد شاہد نے سرانجام دئیے،

عائشہ بشیر کلیفٹ ٹرسٹ ہسپتال کو مقامی مخیر حضرات اور اوورسیز پاکستانیوں نے دل کھول کر عطیات دئیے،لوگوں نے اپنے تاثرات میں کہا کہ ڈاکٹر اعجاز بشیر انسانیت کی خدمت کررہے ہیں معصوم چہروں پر مسکراہٹ اور نئی زندگی دے رہے ہیں ہمیں ان کا ساتھ دینا چاہئیے

گجرات میں پاکستان بھر سے کہیں سے بھی کوئی حاجت مند آتا ہے تو ہمیں اسے خالی ہاتھ نہیں لوٹانا چاہئیے ہمیں اس کی خدمت ہر صورت کرنی چاہئیے،چیریٹی ڈنر کے مہمان خصوصی مرزا مستبین نے اپنے خطاب میں کہا کہ مجھے انتہائی خوشی ہوئی ہے کہ ڈاکٹر اعجاز بشیر دکھی انسانیت کی بڑی خدمت کررہے ہیں انہوں نے کہا کہ حکومتی سطح پر ہونے والا کام وہ اپنے طور پر کررہے ہیں ان کی ہمت کو سلام انہوں نے مزید کہا کہ ہمیں ان کا ساتھ دینا چاہئیے اور ہر ممکن تعاون کرنا چاہئیے