لیاقت علی چٹھہ کا مسلم لیگ ن کے رہنماؤں سے تعلق رہا ہے، حامد میر کی رپورٹ

سینئر صحافی اور پروگرام کیپٹل ٹاک کے میزبان حامد میر کی جانب سے سوشل میڈیا پر ایک رپورٹ شیئر کی گئی ہے۔

اس رپورٹ میں کہا گیا کہ لیاقت علی چٹھہ کا مسلم لیگ ن کے رہنماؤں سے تعلق رہا ہے۔

حامد میر کی جانب سے رپورٹ شیئر کرنے کے بعد مسلم لیگ ن کے مختلف رہنماؤں کی جانب سے حامد میر پر من گھڑت اور بےبنیاد الزامات کا سلسلہ شروع ہوگیا ہے۔

واضح رہے کہ کمشنر راولپنڈی لیاقت علی چٹھہ کی جانب سے انتخابی بے ضابطگیوں پر مستعفی ہونے اور خود کو پولیس کے حوالے کرنے کا اعلان سامنے آیا۔

لیاقت علی چٹھہ کا کہنا تھا کہ میں اپنے کرب کا بوجھ اتار رہا ہوں، سکون کی موت چاہتا ہوں، راولپنڈی ڈویژن کے 13 ایم این ایز ہارے ہوئے تھے، انہیں 70، 70 ہزار کی لیڈ دلوائی، ملک کے ساتھ کھلواڑ کیا ہے، میرے ساتھ چیف الیکشن کمشنر کو بھی سزائے موت دی جائے۔