زیادہ نشستوں پر کامیاب امیدوار 1 نشست اپنے پاس رکھ سکتے ہیں، الیکشن کمیشن

ترجمان الیکشن کمیشن نے کہا ہے کہ دو یا زائد نشستوں پر کامیاب امیدوار ایک نشست اپنے پاس رکھ سکتے ہیں۔

ترجمان نے کہا کہ آئین کے آرٹیکل 223 تھری کے تحت کسی بھی اسمبلی کی نشست لینے سے قبل باقی تمام نشستوں سے استعفیٰ دینا ہوگا۔ کامیاب امیدوار خود یا اپنے مجاز نمائندہ کے ذریعے نشست یا نشستوں سے دستبردار ہونے کی درخواست چیف الیکشن کمشنر کو دے سکتا ہے۔

درخواست الیکشن کمیشن پاکستان سیکریٹریٹ اسلام آباد یا صوبائی الیکشن کمشنر پنجاب، سندھ، خیبر پختونحوا اور بلوچستان کے دفتر میں جمع کرواسکتے ہیں۔

بصورت دیگر آرٹیکل (2) 223 کے تحت 30 دن گزرنے کے بعد تمام نشستیں خالی تصور کی جائیں گی ماسوائے اس نشست کے جس پر امیدوار سب سے آخر پر کامیاب قرار پایا ہے۔