ارشد ندیم کی اکلوتی جیولن بھی خراب ہوگئی
پیرس اولمپکس میں پاکستان کے میڈل جیتنے کی واحد امید جیولن تھروور ارشد ندیم ہیں، جن کے پاس موجود اکلوتی جیولن بھی خراب ہوگئی۔
پاکستان آخری بار 1992 کے اولمپک گیمز میں کوئی میڈل جیتا تھا، پیرس اولمپکس رواں برس اگست میں منعقد ہوں گے۔
ارشد ندیم کا کہنا ہے کہ ایونٹ کی تیاری کےلئے جنوبی افریقہ میں پریکٹس کرنا ہے لیکن ان کے پاس ایک ہی بین الاقوامی معیارکی جیولن ہے، جو خراب حالت میں ہے۔
