سلمان خان نے مداح کو ڈانٹ دیا، ویڈیو ڈیلیٹ کرنے کا مطالبہ
بالی ووڈ سپر اسٹار سلمان خان نے اپنے ساتھ ویڈیو بنانے پر مداح کو ڈانٹ دیا۔
سوشل میڈیا پر صارف نے اپنے ساتھ سلمان خان کی ایک ویڈیو شیئر کی جس کے کیپشن میں انہوں نے سوال کیا کہ سلمان خان نے ویڈیو ڈیلیٹ کرنے کا کیوں کہا؟
ویڈیو میں دیکھا جاسکتا ہے کہ سلمان خان اپنی ٹیم کے ہمراہ ایک راہداری سے گزر رہے ہیں۔ تاہم اس دوران مداح نے انکی اجازت کے بغیر ویڈیو بنانے کی کوشش کی۔
سلمان خان ویڈیو بنانے والے شخص کو دیکھ کر غصے میں آگئے اور اسے ڈانٹنے لگے جبکہ اس دوران انہوں نے اس مداح سے یہ بھی کہا کہ وہ اس ویڈیو کو ڈیلیٹ کردے۔
تاہم سلمان کی ہدایت کے برعکس مداح نے نہ صرف انکی اجازت کے بغیر ویڈیو بنائی بلکہ اسے سوشل میڈیا پر شیئر بھی کردیا۔
