نعمان قیصر شہید کی روح کے ایصال ثواب کی محفل،پاکستانی کمیونٹی کی بڑی تعداد میں شرکت،ماورائے عدالت قتل کی مذمت کی

بارسلونا/نعمان قیصر شہید کی روح کے ایصال ثواب کی محفل منہاج اسلامک سنٹر بارسلونا میں ہوئی جس میں پاکستانی کمیونٹی نے بڑی تعداد میں شرکت کی،
نعمان قیصر شہید کے بھائی عمران فردوس نے ایصال ثواب کی محفل میں شرکت کرنے والے تمام دوست احباب اور ہمدردوں کا شکریہ ادا کیا۔قونصل جنرل مراد علی وزیر اور ویلفئیر اتاشی چوہدری سالک گوندل نے خصوصی شرکت کی اور عمران فردوس سے اظہار تعزیت کیا۔

ایصال ثواب کی محفل کا آغاز قرآن خوانی سے ہوا،بعد میں نعت رسول مقبول صلی اللہ علیہ والہ وسلم کا ہدیہ پیش کیا گیا جس کی سعادت شوکت اویسی،شاہد رسول اور قدیر اے خان نے حاصل کی۔مفتی اعجاز احمد ملک نے زندگی اور موت کے فلسفہ پر روشنی ڈالی اور کہا اسلامی تعلیمات کے مطابق زندگی اور موت مکمل طور پر تقدیر (قضا و قدر) کے تحت ہیں۔

قرآن میں واضح طور پر بتایا گیا ہے کہ ہر جان کے لیے ایک مقرر وقت ہے، جسے نہ آگے کیا جا سکتا ہے نہ پیچھے۔حضرت عزرائیل علیہ السلام کے بارے میں بھی یہی عقیدہ ہے کہ وہ خود مختار نہیں، بلکہ اللہ تعالیٰ کے حکم کے تابع ہیں۔ یعنی روح قبض کرنا ان کا کام ہے، مگر فیصلہ اور اختیار صرف اللہ کے پاس ہے۔

ظلم کرنے والے بری الذمہ نہیں ہو جاتے ہیں۔ اسلام واضح طور پر سکھاتا ہے کہ ظلم کرنے والا اپنے عمل کا ذمہ دار ہےاور اسے اس کا حساب دینا ہوگا۔

انہوں نے کہا کہ نعمان قیصر کی شہادت قانونی دہشت گردی ہے،ممبر رسول صلی اللہ علیہ والہ وسلم سے اس قتل کی مذمت کرتے ہیں،ایصال ثواب کی محفل کے اختتام پر شرکاء محفل عمران فردوس ،محمد ہاشم نعمان سے گلے مل کر اظہار تعزیت کرتے رہے۔

About The Author