مادر وطن سے اوور سیز پاکستانیوں کے لازوال رشتے کو پروان چڑھانے کیلئے انہیں ایک پلیٹ فارم متحد کرنے کے “ مشن “ کا آغاز
مانچسٹر(پ ر)اوورسیز پاکستانیز گلوبل فاؤنڈیشن ( OPGF ) نے دنیا بھر میں مقیم پاکستانیوں کوان ممالک میں درپیش روز مرہ مسائل و پاکستان میں پیش آنے والی مشکلات کے حل و ان کے جائز حقوق کے تحفظ اور مادر وطن سے اوور سیز پاکستانیوں کے لازوال رشتے کو پروان چڑھانے کیلئے انہیں ایک پلیٹ فارم متحد کرنے کے “ مشن “ کا آغاز کر دیا ہے۔ او پی جی ایف کے چیرمین ظہیر اختر مہر کی قیادت میں اپنے اپنے ذاتی خرچے پر نیو یارک سے دنیا بھر کے دورے پر نکلنے والے وفد کو
“ Mission of Diaspora unity “
کا نام دیا گیا ہے۔ مشن میں سلمان ملک چیف آر گنائزر #OPGF ، شیخ شکیل وائس چیرمین اور اعجاز احمد نائب صدر او پی جی ایف شامل ہیں۔
نیو یارک سے برطانیہ پہنچنے کے بعد “ مشن آف دائس پورہ یونٹی “ نے مانچسٹر میں پاکستان کے قونصل جنرل طارق وزیرسمیت مختلف تنظیموں کے وفود و شخصیات سے ملاقات کی اور انہیں اپنے دورے کے مقاصد سے آگاہ کرتے ہوے بتایا کہ او پی جی ایف مذہبی ، لسانی اور سیاسی وابستگیوں کو بالائے طاق رکھ کر صرف اور صرف اوورسیز پاکستانی کمیونٹی کی ویلفیئر اور ان کی پاکستان کے ساتھ لازوال محبت کو پروان چڑھانے کیلئے کام کرتی ہے کیونکہ ہم یہ سمجھتے ہیں کہ ریاست پاکستان کا اصل اثاثہ اوور سیز پاکستانی ہیں۔
