اظہر محمود نیوزی لینڈ کیخلاف ٹی ٹوئنٹی سیریز کیلئے پاکستان ٹیم کے ہیڈ کوچ مقرر
سابق ٹیسٹ کرکٹر اظہر محمود نیوزی لینڈ کے خلاف ٹی ٹوئنٹی سیریز کے لیے پاکستان ٹیم کے ہیڈ کوچ مقرر کردیے گئے۔
اظہر محمود اس سے قبل پاکستان ٹیم کے بولنگ کوچ رہ چکے ہیں، سیریز میں وہاب ریاض سینئر ٹیم منیجر اور منصور رانا ٹیم منیجر ہوں گے۔
محمد یوسف بیٹنگ کوچ اور سعید اجمل اسپن بولنگ کوچ مقرر کیے گئے ہیں۔
نیوزی لینڈ کے خلاف سیریز کےلیے پاکستان کرکٹ ٹیم کا اعلان منگل کے روز لاہور میں ہوگا، پانچ میچوں کی سیریز 18 سے 27 اپریل تک راولپنڈی اور لاہور میں کھیلی جائے گی۔
نیوزی لینڈ کی کرکٹ ٹیم 14 اپریل کو پاکستان پہنچے گی۔
