ٹک ٹاکر سحر حیات کے ہاں بیٹی کی پیدائش
پاکستانی معروف ٹک ٹاکر و یوٹیوبر سحر حیات کے گھر رمضان کے مبارک مہینے میں رحمت آئی ہے، ان کے ہاں بیٹی کی پیدائش ہوئی ہے ۔
سحر حیات اور اُن کے شوہر سمیع رشید نے اپنے ہاں پہلی اولاد، بیٹی کی پیدائش کا اعلان سوشل میڈیا پر کیا ہے۔
فوٹو اینڈ ویڈیو شیئرنگ ایپ انسٹاگرام پر سحر حیات اور ان کے شوہر سمیع رشید نے ایک مشترکہ پوسٹ جاری کی ہے جس میں اس جوڑے کے ہاتھوں میں ننھی پری کا پاؤں دیکھا جا سکتا ہے۔
ٹک ٹاکر سحر حیات اور ان کے شوہر نے بیٹی کا چہرہ تاحال مداحوں کو نہیں دکھایا۔
سحر حیات اور سمیع نے اپنی سوشل میڈیا پوسٹ کے کیپشن میں اللہ کا شکر ادا کرتے ہوئے کہا ہے کہ اُن کی بیٹی ’نعمت‘ اور ’رحمت‘ ہے۔
سحر حیات اور سمیع رشید کی اس پوسٹ پر اس جوڑی کے مداحوں، قریبی دوستوں و خاندان کی جانب سے بیٹی کی پیدائش پر مبارکباد دینے کا سلسلہ جاری ہے۔
