بارسلونا میں عیدالفطر کے بڑے بڑے اجتماعات

بارسلونا(دوست اوورسیز نیوز)مسجد ابوبکر صدیق اور ابراہیم اسلامک سنٹر کے زیر اہتمام پورٹ فورم پر نماز عید الفطر کا اجتماع

پاکستانی،مراکشی اور دیگر قومیتیوں کے فرزندان توحید کی ایک بہت بڑی تعداد نے نماز عید ادا کی اور ایک دوسرے کو گلے مل کر عید کی مبارک باد دی

خطبہ دیتے ہوئے امام نے کہا کہ اللہ سبحانہ تعالی نے مسلمانوں کو انعام میں یہ خوشی کا دن دیاہے۔انسان کو چاہیے کہ وہ صبر اور شکر کا دامن کسی بھی حال میں نہ چھوڑے۔آج کا دن امت مسلمہ کے لئے بڑا عظیم دن ہے اپنے رب کی حمد وثنا کریں اور خوشنودی حاصل کریں

بارسلونا میں پاکستانی،مراکشی،الجزائر،بنگالی اور دیگر تارکین وطن مسلمانوں کی اسلامی تنظیمات جس میں منہاج القرآن اسلامک سنٹر،فیضان مدینہ اسلامک سنٹر،کلوت اسلامک سنٹر،الرضوان اسلامک سنٹر ،مریم اسلامک سنٹر،کرم الہی اسلامک سنٹر،دارالعرفان اسلامک سنٹراور دیگر نے کھلے میدانوں میں نماز عید کے اجتماعات کا انعقاد کیا۔جس پر اسلامک سنٹرز کے منتظمین نے حکومت اسپین اور کاتالونیا کا شکریہ ادا کیا

مسلمان صدقہ فطر ادا کرتے تکبیرات پڑھتے اسپورٹس ہالوں ،کھلے میدانوں اور پارکوں میں اپنے رب کے حضور سجدہ بسجود ہوئے

فاطمیہ فاؤنڈیشن بارسلونا کے زیر اہتمام امام بارگاہ فاطمیہ میں نماز عید ادا کی گئی۔مومنین کی بڑی تعداد نے اپنے رب کے حضور سربسجود ہو کر اس کی نعمتوں کا شکر ادا کیا۔

اس موقع پر عالم اسلام کی ترقی اور پاکستان کی سلامتی کی دعا کی گئی