موٹرسائیکل ریسر 45 سالہ کارلس فالکن تاراگونا میں  انتقال کر گئے

بارسلونا(قمرفاروق)موٹرسائیکل ریسر 45سالہ کارلس فالکون اس پیر کو تاراگونا میں اس وقت انتقال کر گئے جب وہ آٹھ روز قبل 7 جنوری کو ڈاکار ریلی کے دوسرے مرحلے میں پیش آنے والے حادثے کے نتیجے میں ہونے والے شدید زخموں کی تاب نہ لا سکے 

فالکن ڈاکار میں مرنے والا دوسرا ہسپانوی ہے، اس سے قبل 2005 میں ایلچے موٹر سائیکل ڈرائیور جوس مینوئل پیریز ایل کارنی ریس میں زخمی ہونے کے بعد وفات پا گیا تھا۔

فالکن، جنہیں 13جنوری کو طبی طیارے کے ذریعے ریاض سے بارسلونا منتقل کیا گیا تھا، کو ان کے آبائی شہر تاراگونا کے ایک ہسپتال کے آئی سی یو میں "تشویشناک حالت” میں داخل کیا گیا تھا۔