سید صمصام علی بخاری اور رفیق احمد جمالی کے اعزاز میں محمد سلیمان گوندل کی عشائیہ تقریب

بارسلونا(دوست نیوز)معروف پاکستانی ایوارڈ یافتہ بزنس مین چوہدری امانت حسین مہر کے مہمان سابق ایم پی اے اور سابق فیڈرل ،صوبائی منسٹرسید صمصام علی بخاری اور موجودہ ایم این اے اور سابق فیڈرل منسٹررفیق احمد جمالی کے اعزاز میں محمد سلیمان گوندل کی جانب سے دیوان ریسٹورنٹ گورگ پر پرتکلف عشائیہ،جس میں معروف پاکستانی ایوارڈ یافتہ بزنس مین چوہدری امانت حسین مہر،چوہدری عمران اختر چھوکر کلاں ،علی رشید بٹ،سجاد بٹ،عمران اختر مہر،چوہدری مزمل رشید وڑائچ،ولیدحسین عارف ،محمد سجاد گوندل اور دیگر دوست احباب نے شرکت کی

اس موقع پر سید صمصام علی بخاری نے پاکستانیت اور موجودہ پاکستان کے حالات پر کمیونٹی ممبران سے مختصر خطاب کیا۔سب سے پہلے انہوں نے اپنی طرف سے اور ایم این اے رفیق احمد جمالی کی طرف سے چوہدری امانت حسین مہر اور اپنے میزبانوں کا شکریہ ادا کیا

انہوں نے کہا کہ اس وقت سب سے زیادہ اتحاد کی ضرورت ہے اور ہمیں صرف اور صرف ایک پاکستانی کے طور پر اپنی شناخت رکھنی چاہئیے،جو ہماری بنیادی پہچان ہے۔باقی سب ذات برادری مذہب و مسلک،رنگ و نسل ثانوی حیثیت رکھتی ہیں ،ہمارے غیر مسلم بھی اتنے ہی پاکستانی ہےں جتنے ہم مسلمان پاکستانی ہیں

انہوں نے پاکستانی افواج کی کامیابی پر امت مسلمہ اور پاکستانی قوم کو مبارک باد دی اور کہا کہ اللہ پاک نے ہمیں یہ کامیابی کا دن دکھایا ہے۔آج ہم اپنی تینوں افواج کو اور خاص طور پر فضائیہ کو سلام پیش کرتے ہیں۔

اس وقت بھارت پر جس شخص کی حکومت ہے اس کی گھٹی میں خون شامل ہے اور وہ انسانیت کا قاتل ہے

انہوں نے کہا کہ ہمارا دشمن بہت مکروہ ،قبیح اور اخلاقیات سے عاری ہےاس سے تیار رہیں ہم اپنی فتح کا جشن ضرور منائیں لیکن اپنی تیاری رکھیں یہ رات کے اندھیرے میں کمر پر وار کرنے والے لوگ ہیں

انہوں نے کہا کہ اس وقت ہر طرح کی تفریق سے بالاتر ہوکر متحد ہونے کا وقت ہے اور ہمارا ایک ہی نعرہ ہونا چاہئیے پاکستان زندہ باد انہوں نے کہا کہ اس وقت کی تقسیم پاکستان کی تقسیم ہوگی۔

اس سے قبل جب سابق ایم پی اے اور سابق فیڈرل ،صوبائی منسٹرسید صمصام علی بخاری اور موجودہ ایم این اے اور سابق فیڈرل منسٹررفیق احمد جمالی اور چوہدری امانت حسین مہر ریسٹورنٹ پر پہنچے تو ان کی آمد پر محمدسلیمان گوندل اور ان کے دوست احباب نے پھولوں کے گلدستے پیش کر کے پرتپاک استقبال کیااور خوش آمدید کہا۔