رشمیکا مندانا کن سپراسٹارز کے ساتھ کام کرنے کی خواہشمند؟
بھارتی فلم انڈسٹری کی خوبرو اداکارہ رشمیکا مندانا نے رنبیر کپور کے بعد کن سپر اسٹارز کے کام کرنے کی خواہش کا اظہار کیا ہے؟
بھارتی میڈیا رپورٹ کے مطابق رشمیکا مندانا نے بلاک بسٹر فلم اینیمل میں رنبیر کپور کے مقابل جلوہ گر ہوئی ہیں۔
اداکارہ کی رنبیر کپور کے ساتھ آن اسکرین کیمسٹری کو فلم بینوں نے خوب سراہا لیکن اب وہ بالی ووڈ اور ساؤتھ کے بڑے اداکاروں کے ساتھ کام کرنے پر توجہ مرکوز کیے ہوئے ہیں۔
اپنے حالیہ انٹرویو میں باصلاحیت اداکارہ نے ایک سوال کے جواب میں اُن اداکاروں کے نام بتادیے، جن کے ساتھ وہ مستقبل میں کام کرنے کی خواہش مند ہیں۔
اُن کی فہرست میں بالی ووڈ کے ساتھ ساؤتھ کی بڑے نام بھی شامل ہیں، جن میں کنگ خان شاہ رخ، سلمان خان، ریتک روشن، جونیئر این ٹی آر اور رام چرن ہیں۔
رشمیکا مندانا نے دوران گفتگو ان مشہور اداکاروں سے ملنے والے تعریفی کلمات اور عوام کی طرف سے ملنے والی محبت اور عزت کا تذکرہ کیا۔
اداکارہ نے مزید کہا کہ وہ فلم انڈسٹری سے جڑی ان بڑی شخصیات کے ساتھ یاد گار لمحات تخلیق کرنے کےلیے بے تاب ہیں۔
اداکارہ نے دوران انٹرویو فلم پشپا کے دوسرے حصے سے متعلق بھی بات چیت کی اور کہا کہ میں یقین سے کہہ سکتی ہوں کہ فلم بہت بڑی ہونے جارہی ہے، لوگوں کی تواقعات بڑھ گئی ہے، اس لیے ہماری ذمے داری میں بھی اضافہ ہوا ہے۔
رشمیکا مندانا کی خواہش سامنے آنے کے بعد اُن کے مداحوں کا جوش دیدنی ہے، اب قیاس آرائی کی جارہی ہے اداکارہ کے ساتھ کس بڑے اسٹار کی آن اسکرین جوڑی ہٹ ثابت ہوگی۔
