دھند سے آج بھی 23 پروازیں منسوخ، 3 منتقل

دھند کی وجہ سے فلائٹ آپریشن آج بھی متاثر ہوا ہے جس کے باعث 23 پروازیں منسوخ اور 3 منتقل کر دی گئیں۔

ایوی ایشن ذرائع کے مطابق پی ائی اے کی ابوظبی سے سیالکوٹ کی پرواز پی کے 178 کو لاہور اتارا گیا۔

ابوظبی اور دبئی سے اسلام آباد کی پروازوں پی کے 262، 212 کی لاہور میں لینڈنگ کرائی گئی۔

پی آئی اے کی اسلام آباد سے ابوظبی کی 2 پروازیں پی کے 261، 262 منسوخ کر دی گئیں۔

اسلام آباد سے دبئی کی پرواز پی کے 233 اور شارجہ کی پرواز ای آر 702 بھی منسوخ کر دی گئی۔

سعودی ایئر لائن کی جدہ سے اسلام آباد کی پروازیں ایس وی 726، 727، اسلام آباد سے گلگت اور اسکردو کی 4 پروازیں پی کے 601، 602، 451، 452 بھی منسوخ کر دی گئیں۔

اسلام آباد سے کراچی کی پرواز ای آر 500، سیالکوٹ سے دبئی کی پرواز پی کے 130، کراچی سے لاہور کی 3 پروازیں ای آر 522، 523 اور پی کے 302 بھی منسوخ کی گئی ہیں۔

کراچی سے کوئٹہ کی پرواز پی کے 310، 311، کراچی سے پشاور کی پرواز ای آر 550، 551، پشاور سے ابوظبی کی پرواز پی کے 217، 218 اور شارجہ کی پرواز پی کے 258 منسوخ کر دی گئیں۔