شدید دھند سے آج پشاور کا فلائٹ آپریشن زیادہ متاثر، 9 پروازیں منسوخ، 3 منتقل

شدید دھند سے آج پشاور کا فلائٹ آپریشن زیادہ متاثر ہوا اور 9 پروازیں منسوخ جبکہ 3 منتقل کی گئیں۔ 

پی آئی اے کی دبئی پشاور پروازیں پی کے 184 پی کے 284 اسلام آباد منتقل کی گئیں۔ پی آئی اے کی جدہ سے پشاور کی پرواز پی کے 736 بھی اسلام آباد میں اتاری گئی۔ 

پشاور سے جدہ، ریاض، دبئی اور شارجہ کی پروازوں کی روانگی غیر یقینی کا شکار رہیں۔ 

کراچی پشاور کی 4 پروازیں ای آر 550، 551، 9P865، 9P866 منسوخ کردی گئیں۔ 

پی آئی آے کی پشاور ابوظبی کی پرواز پی کے 217، 218 اور پی آئی اے کی پشاور شارجہ کی پرواز پی کے 258 منسوخ کی گئیں۔ 

نجی ایئر لائن کی پشاور ریاض کی پرواز ای آر 857 اور شارجہ ای آر 752 منسوخ کی گئی۔