بھارتی رئیلیٹی شو بگ باس 17 کا ٹائٹل کس نے جیتا؟
معروف بھارتی رئیلیٹی شو بگ باس کا سیزن 17جس کا آغاز گزشتہ سال اکتوبر میں ہوا تھا اپنے اختتام کو پہنچ گیا۔
مشہور بھارتی اسٹینڈ اپ کامیڈین منور فاروقی نے رئیلیٹی شو بگ باس کے سیزن17 کا ٹائٹل جیت لیا ہے جبکہ ابھیشیک کمار رنر اپ قرار پائے۔
منور فاروقی کو بگ باس شو کے سیزن17 کا ٹائٹل جیتنے پر 50 لاکھ روپے، ایک کار اور بگ باس ٹرافی ملی ہے۔
بگ باس شو کے اس سیزن کے ٹاپ 5 کنٹیسٹنٹ انکیتا لوکھنڈے، ابھیشیک کمار، منور فاروقی، منارا چوپڑا اور ارون مشیٹی تھےجبکہ بالی ووڈ کے مشہور اداکار سلمان خان شو کے میزبان تھے۔
شو کے اس سیزن کے فاتح منور فاروقی کے سفر کے بارے میں بات کرتے ہوئے بہت سے دوسرے کنٹیسٹنٹس کا اور خود سلمان خان کا بھی یہی کہنا تھا کہ ان کا کھیل بہت بورنگ ہے جس پر منور فاروقی کا کہنا ہے کہ میں اپنی زندگی میں ایک پرسکون انسان ہوں اور میں چیخنے چلانے کے بجائے پر سکون طریقے سے حالات سے نمٹنے کو ترجیح دیتا ہوں۔
