یورپی یونین میں غیر قانونی داخلے 21 فیصد کم، کینری جزائر کی راہ میں 52 فیصد کمی

برسلز (12 ستمبر 2025) — یورپی بارڈر اینڈ کوسٹ گارڈ ایجنسی (فرنٹیکس) کے مطابق رواں سال کے آغاز سے اب تک یورپی یونین میں غیر قانونی داخلوں میں مجموعی طور پر 21 فیصد کمی ریکارڈ کی گئی ہے۔

اعداد و شمار کے مطابق، اس مدت کے دوران یورپی یونین کی بیرونی سرحدوں پر کل 1,12,375 غیر قانونی داخلے ریکارڈ کیے گئے۔ فرنٹیکس کے 3,700 سے زائد اہلکار رکن ممالک کی بارڈر فورسز کی مدد کے لیے تعینات ہیں۔

اسپین کی صورتحال

کینری جزائر کی راہ سے غیر قانونی داخلوں میں نمایاں کمی دیکھنے میں آئی ہے، جو 52 فیصد کم ہو کر 12,147 کیسز رہ گئی۔ صرف اگست میں 572 واقعات رپورٹ ہوئے۔
اس کے برعکس، بحیرہ روم کے راستے اسپین کی سرزمین پر داخلوں میں 22 فیصد اضافہ ہوا ہے، جن کی تعداد 11,791 تک پہنچ گئی۔

دیگر راستے

بحیرہ روم کا مرکزی راستہ سب سے زیادہ استعمال ہونے والا رہا، جہاں سے کل غیر قانونی داخلوں کا 37 فیصد ریکارڈ ہوا (قریب 42 ہزار افراد)۔
مشرقی بحیرہ روم کی راہ سے آمد میں 18 فیصد کمی ہوئی، جہاں اب تک تقریباً 32 ہزار کیسز سامنے آئے۔
بالکان کے مغربی راستے سے داخلوں میں 47 فیصد اور مشرقی یورپی راستوں پر 44 فیصد کمی ریکارڈ کی گئی۔
برطانیہ کی طرف مانش کے ذریعے غیر قانونی داخلوں میں الٹا اضافہ ہوا، جو 13 فیصد بڑھ کر 46,381 کیسز تک جا پہنچے۔

فرنٹیکس کا کہنا ہے کہ مجموعی طور پر یورپی یونین میں غیر قانونی مہاجرت میں کمی دیکھی گئی ہے، تاہم بحیرہ روم کے راستے اور برطانیہ کی طرف رجحان اب بھی برقرار ہے۔