دنیابھر میں اور اسپین میں کھیلوں میں نمایاں کارکردگی دیکھانے والے کلبز اور کھلاڑیوں کو تعریفی اعزازات سے نوازا گیا
پاکستانی پاک آئی کیئر کرکٹ کلب بادالونا کی ایک اور بڑی کامیابی ،صدر کلب عمران ملک کو بادالونا کا نام روشن کرنے پر میئر بادالونا البیول نے تعریفی شیلڈ پیش کی
پاکستانی پاک آئی کیئر کرکٹ کلب بادالونا کے صدر عمران ملک ہال میں داخل ہونے سے قبل کلب کے کھلاڑیوں کے ہمراہ انہوں نے بلدیہ بادالونا نے ذمہ داران سے بھی ملاقات کی
اسپورٹس گالا میں مئیر بادالونا شاویر گارسیا البیول نے استقبالیہ پر خود تمام کلبز اور کھلاڑیوں کو خوش آمدید کہا۔پاکستانی پاک آئی کیئر کرکٹ کلب بادالونا کے صدر عمران ملک اور کلبز کے کھلاڑیوں کو خوش آمدید کہا عمران ملک نے کھلاڑیوں کا تعارف کرایا ،مئیر نے کھلاڑیوں کے ساتھ گروپ فوٹو بنوایا
اس موقع پر معروف کشمیری رہنما راجہ شفیق تبسم نے مئیر بادالونا شاویر گارسیا البیول سے ملاقات کی،اس موقع پر عمران ملک نے راجہ شفیق تبسم کا مئیر کو تعارف کرایا
ہال میں جب اکستانی پاک آئی کیئر کرکٹ کلب بادالونا کا کرکٹ میں بہترین کارکردگی دکھانے ہر نام پکارا گیا تو ہال تالیوں سے گونج اٹھا
کلب کے صدر عمران ملک نے اسٹیج پر جاکر مئیر بادالونا سے شیلڈ وصول کی
کلب کے صدر عمران ملک نے کہا کہ یہ کامیابی ہمارے لیے خاص اہمیت رکھتی ہے، کیونکہ ہمارے کلب نے 2025-2026 کی اسپینش کرکٹ لیگ کا ٹائٹل اپنے نام کیا اور مسلسل شاندار کھیل کا مظاہرہ کرتے ہوئے ایک بار پھر اپنی برتری ثابت کی۔
یہ اعزاز ہمارے کھلاڑیوں، کوچز، انتظامیہ اور تمام ساتھیوں کی دن رات کی محنت، لگن اور ٹیم ورک کا نتیجہ ہے۔ہم بادالونا شہر اور اس کے اسپورٹس اداروں کے شکر گزار ہیں جنہوں نے ہماری کھیلوں کی کامیابیوں کو سراہا۔
پاک آئی کیئر کے لیے یہ ایک اور تاریخی کامیابی اور پوری کرکٹ کمیونٹی کے لیے باعثِ فخر لمحہ ہے۔پاک آئی کیئر اسپین اور یورپ میں کرکٹ کی تاریخ رقم کرنے کا سفر جاری ہے
