ویمن کونسل پاک فیڈریشن کے زیر اہتمام سیرت النبی کانفرنس کا انعقاد

بارسلونا(پ ر)بارسلونا میں ویمن کونسل پاک فیڈریشن کے زیر اہتمام سیرت النبی کانفرنس کا انعقاد کیا گیا جس میں مختلف خواتین سکالرز نے سیرت النبی صلی اللہ علیہ وال وسلم پر روشنی ڈالی اور بچیوں نے نعت خوانی و کوئز میں حصہ لیا۔

تقریب کا اغاز تلاوت کلام پاک سے ہوا جبکہ بارسلونا کی ممتاز مذہبی عالمات ڈاکٹر بشری ریاض، زرین ریاض، شمشاد عبدالغفار اور لبنیٰ مبین نے اپنے خطابات میں بچوں کی تعلیم و تربیت پر زور دیا اور کہا کہ ماں کی گود بچوں کی بہترین درس گاہ ہے اور یورپ میں رہتے ہوئے ہمارے اوپر بہت بھاری ذمہ داری عائد ہوتی ہے کہ ہم اپنی زندگیاں حضرت محمد صلی اللہ علیہ والہ وسلم کے بتائے ہوئے اصولوں کے مطابق بسر کریں تاکہ ہمارے بچے بھی ہم سے سیکھیں اور وہ بے راہ روی کا شکار نہ ہوں۔ انھوں کے کہا کہ سیرت الرسول کو اپنانے سے ہمارا مذہبی و کلچرل رشتہ اسلام اور پاکستان سے ہمیشہ قائم رہے گا ۔ دیگر بہت سی بچیوں نے بھی تقاریر اور نعت خوانی میں حصہ لیا جبکہ اسوہ حسنہ پر مبنی کوئز سیگمنٹ بہت معلوماتی اور دلچسپ تھا جس میں بچیوں نے سیرت النبی کے حوالے سے سوالات کے درست جوابات دے کر حاضرین کو حیران کر دیا۔ پروگرام میں حصہ لینے والی بچیوں کو انعامات سے بھی نوازا گیا ۔

ادارہ منہاج القران اور الہدی ایسو سی ایشن کی ذمہ داران خواتین نے کانفرنس میں خصوصی شرکت کی اور ویمن کونسل کی کاوشوں کو سراہتے ہوئے کہا کہ ہم ہمیشہ ایسے خوبصورت پروگراموں کے انعقاد کے لیے اپ کے ساتھ ہیں اور یقینا ہم سب کی یہ اجتماعی ذمہ داری ہے کہ خواتین کی تعلیم و تربیت کے لیے ایسے پروگرام جاری رکھیں۔

اس خوبصورت پروگرام کی کیمپیرنگ کے فرائض چیر پرسن عروسہ راجہ، ڈاکٹر صبا انور اور رضوانہ عدیل نے ادا کیے جبکہ سینیر ایگزیکٹو ممبر صائمہ ثاقب نے تمام حاضرین و منتظمین کا شکریہ ادا کیا اور دعا کے بعد پروگرام اختتام پذیر ہوا۔ اس پروگرام میں مقامی سپینش خواتین نے بھی حصہ لیا اور ایونٹ کو بہت پسند کیا۔

اس پروگرام کی خاص بات یہ تھی کہ بچیوں نے بہت کچھ سیکھا اور اس بات کا اعادہ کیا کہ ہم ہمیشہ ایسے پروگرام جاری رکھیں گی تاکہ پیارے اقا حضرت محمد صلی اللہ علیہ والہ وسلم کی تعلیمات کا پرچار ہوتا رہے اور خواتین کو ایک دوسرے سے سیکھنے کا موقع ملتا رہے۔