ریلیف تب ملے گا جب کسان اسلام آباد میں پڑاؤ ڈالیں گے، سراج الحق

امیر جماعت اسلامی پاکستان سراج الحق نے کہا ہے کہ ملک بھر کے کسان جب اسلام آباد میں پڑاؤ ڈالیں گے تب ریلیف ملے گا۔

منڈی بہاؤالدین پھالیہ میں کسان کنونشن سے خطاب میں سراج الحق نے کہا کہ مشکل حالات کے شکار کسانوں کو ریلیف تب ملے گا جب ملک بھر کے کسان اسلام آباد میں پڑاؤ ڈالیں گے ۔

انہوں نے مزید کہا کہ پاکستان میں 70 فیصد لوگ زراعت سے وابستہ ہیں لیکن کسان پریشان ہے، جس کی وجہ سے ملک میں ہریالی ہے وہ مشکل میں ہے۔

امیر جماعت اسلامی نے یہ بھی کہا کہ 8 فروری کو الیکشن ہوا اور وہی لوگ دوبارہ آگئے جنہوں نے 1970 سے لوٹا ہے، قومی اسمبلی میں گالی گلوچ کے علاوہ کچھ سننے کو نہیں ملتا۔