اسرائیلی ہالی ووڈ اداکارہ گیل گیڈوٹ کے ہاں چوتھی بیٹی کی پیدائش

اسرائیل سے تعلق رکھنے والی ہالی ووڈ اداکارہ گیل گیڈوٹ کے ہاں چوتھی بیٹی کی پیدائش ہوئی ہے۔

غیرملکی میڈیا کے مطابق 38 سالہ اداکارہ نے بیٹی کا نام  ORI رکھا ہے جس کا مطلب میری روشنی ہوتا ہے۔

اداکارہ نے اپنے سوشل میڈیا اکاؤنٹ پر بیٹی کے ساتھ تصویر شیئر کرتے ہوئے لکھا کہ یہ وقت آسان نہیں تھا۔

غیرملکی میڈیا کے مطابق گیل گیڈوٹ کی 2008ء میں شادی ہوئی تھی جس کے بعد 2011ء 2017ء اور 2021ء میں ان کے ہاں بیٹیوں کی پیدائش ہوئی تھی۔