ایرانی سفیر ڈاکٹر رضا امیری کی آصف زرداری کو صدر منتخب ہونے پر مبارکباد

پاکستان میں ایرانی سفیر ڈاکٹر رضا امیری نے آصف زرداری کو صدرِ پاکستان منتخب ہونے پر مبارکباد دی ہے۔

سماجی رابطے کی ویب سائٹ پر جاری بیان میں رضا امیری نے کہا کہ آصف علی زرداری کے انتخاب پر اپنی مخلصانہ مبارکباد کا اظہار کرنا چاہتا ہوں۔

انہوں نے کہا کہ آصف علی زرداری کا انتخاب، پاک ایران تعلقات کے شاندار اور سنہری دنوں کی یاد دلاتا ہے۔

ایرانی سفیر نے مزید کہا کہ ہم ان کے دور میں پاک ایران ہمہ جہت تعلقات اور روابط کا فروغ چاہتے ہیں۔

ایرانی سفیر رضا امیری مقدم نے بینظیر بھٹو اور آصف علی زرداری کی تصویر بھی شئیر کی۔