ٹک ٹاکر سحرحیات کی ’گود بھرائی‘ کی تقریب سے تصویریں وائرل
معروف پاکستانی ٹک ٹاکر سحر حیات جَلد ماں بننے والی ہیں۔
سحر حیات نے اپنے شوہر اور دوستوں کے ہمراہ نئی تصویریں اور ویڈیوز شیئر کی ہیں جن میں اُن کی گود بھرائی کی رسم ہوتے ہوئے دیکھی جا سکتی ہے۔
سحر حیات نے اپنی گود بھرائی کی رسم کے لیے لال جوڑے اور تازہ پھولوں کے زیور کا انتخاب کیا ہے۔
ان تصویروں میں سحر حیات کے ہاتھ بھی مہندی سے سجے دیکھے جا سکتے ہیں۔
سحر حیات نے ناصرف اپنی بلکہ اپنے مکمل سسرالیوں کی ایک مختصر سی ویڈیو شیئر کی ہے جس میں گھر کا ہر فرد مہندی کے ساتھ ننھے مہمان کی آمد سے متعلق انتظار اور خوشی کا اظہار کرتے ہوئے نظر آ رہا ہے۔
دوسری جانب سحر حیات کی شادی کی تقریبات کے بعد اب اُن کی گود بھرائی کی رسم بھی تنقید کا نشانہ بن گئی ہے۔
سوشل میڈیا صارفین کا سحر حیات کی پوسٹ کے کمنٹ باکس میں تنقید کرتے ہوئے کہنا ہے کہ یہ ہندوؤں کی رسم ہے لہٰذا سحر حیات کو اس رسم کو ادا کرنا یا اس کی تشہیر نہیں کرنی چاہیے تھی۔
یاد رہے کہ ٹک ٹاکر سحر حیات کی شادی گزشتہ سال جولائی میں گلوکار سمیع رشید سے ہوئی تھی۔
اس خوبصورت جوڑی نے اپنے ہاں ننھے مہمان کی آمد سے متعلق گزشتہ سال نومبر میں اعلان کیا تھا۔
