بریک اپ کے بعد جنت مرزا کو اب ’نایاب محبت‘ کی تلاش
گزشتہ برس اپنے منگیتر عمر بٹ سے بریک اپ کا اعلان کرنے والی پاکستانی ٹک ٹاک اسٹار و اداکارہ جنت مرزا کو اب ’نایاب محبت‘ کی تلاش ہے۔
حال ہی میں جنت مرزا نے فوٹو اینڈ ویڈیو شیئرنگ پلیٹ فارم انسٹاگرام پر اپنی چند نئی تصاویر شیئر کی ہیں۔
ان تصاویر میں ٹک ٹاک اسٹار فلورل (پھولوں والے) پرنٹ والے سیاہ رنگ کے لباس اور ہلکے میک اپ میں جاذب نظر آرہی ہیں۔
تاہم صارفین کی توجہ ان کی تصاویر سے زیادہ مذکورہ پوسٹ کے کیپشن نے سمیٹ لی ہے۔
اداکارہ نے مذکورہ پوسٹ کے کیپشن میں خود سے مخاطب ہوتے ہوئے خود کو نایاب محبت کا مستحق قرار دے دیا۔
انہوں نے کیپشن میں لکھا کہ ’نایاب خاتون، تم نایاب محبت کی مستحق ہو‘۔
خیال رہے کہ گزشتہ برس جنت مرزا نے اپنے دیرینہ بوائے فرینڈ و منگیتر عمر بٹ سے علیحدگی کا اعلان کیا تھا جس کے بعد عمر بٹ نے بھی بذریعہ سوشل میڈیا اس کی تصدیق کردی تھی۔
